佔中爆發以嚟，前保安局局長、新民黨主席葉劉淑儀嘅撐警言論惹起爭議，包括話警方攞警棍係「保護自己」、示威者手上嘅雨傘可以傷人、學生非省油的燈啦，言論得到警心卻失民心，港大最新民調就顯示葉劉評分暴跌，由排第二跌至第四。
嘩，盛傳有意選特首嘅葉劉，唔驚民望急瀉咩？葉劉同八方講，冇後悔發表撐警言論，話做得政治人物，就要有原則有勇氣，唔會唔開心。佢話喎，政治人物民望上上落落好正常箒，美國好多官員都一樣走唔甩㗎，冇可能長期民望高企。
有乜嘢計仔可以令民望回升？葉劉話冇，自稱行事唔會搞小動作，會繼續好似警方咁光明磊落，因為自己無欲無求。