1600米二級賽沙田錦標周日（26日）上演，三匹香港馬王將首次一齊同場較量，包括「威爾頓」、「軍事出擊」及已休賽一年半的「雄心威龍」。至於上季最佳一哩馬「大運財」，則會進行沙田錦標衛冕戰。
由於「大運財」及「威爾頓」較年輕，健康亦一直良好，兩駒上仗慶典盃亦表現對辦，分別跑第一及第三，馬迷普遍認為佢哋嘅實力仲未盡，所以今仗勢必成為最熱兩駒。
不過「雄心威龍」及「軍事出擊」其實亦有優點，先講「雄心威龍」，10月7日在巫斯義胯下試1000米草閘率先過終點，表現一啲都唔似八歲老馬。此駒歷來喺苗禮德馬房，每季初出例贏，絕對係特利跑新鮮蓄銳一擊，加上周日受讓於「威爾頓」、「軍事出擊」及「大運財」四磅，亦係有利因素。
至於「軍事出擊」，10月14日由潘頓試泥地大閘，末段以佳勢衝刺，率先衝過終點。潘頓說：「據我觀察所得，牠在晨操顯得有點雀躍。試閘亦鬥志旺盛，意猶未盡，我認為這是好現象。因為馬兒以往有同樣表現時，陣上通常都有上佳演出。雖然周日跑一哩並非首本途程，但如果出閘迅速，步速又合發揮，我認為會取得好成績。」