有佔旺網民前晚喺學聯同林鄭會面後，突然發現建制派鼠王芬晚上10點幾現身旺角佔領位置！鼠王芬噚日承認前日落過旺角，話落去係想關心吓佔領旺角人士喺會面之後，情緒有冇激動咗喎。
對於網上熱傳一張「梁美芬能活着離開旺角已顯示香港人的包容」惡搞圖，鼠王芬話，去旺角後本來冇事，但約廿分鐘後，身邊啲人開始認得佢，繼而有中年男人突然上前騷擾，令佢好難受。由於佢唔想影響現場人士情緒，所以決定離開。
八方聽聞，鼠王芬個妹因為撐佔中，同鼠王芬炒咗鑊，鼠王芬噚日就話唔想提屋企人嘞，但話自己有家人係警察，亦有人係社工，所以有唔同意見係好正常喎。