從來，懷石就懷石，酒吧就酒吧，哪有聽過懷石酒吧。
然而，敢，至係創新。波斯富街天橋底新開的Hikari BARTAURANT，就是敢。英式吧枱、美式塗鴉、日式燒酎、懷石小吃。牆上電視，還要播着英超和西甲，撞到七彩，卻撞得精采。
從謝斐道走來，酒吧林立，新入戰團，非有過人自信不可。Hikari從經理到大廚到酒保，皆自信爆棚。「懷石係精緻，但弊在太拘謹，未必人人啱。我哋試吓將佢放入酒吧，一邊睇波、一邊飲酒，一邊食懷石小吃，應該好正！」經理朱先生說。
講真，睇波食懷石，還要飲威士忌、cocktail，之前真的未試過，但原來這種crossover風，已在日本流行起來。「東京近年開咗好多crossover高級立食吧，有和食立食、牛扒立食、法意菜立食，全部都有酒飲，氣氛好好。」大廚沼田和浩說。
沼田師傅宮城縣出身，廿歲便入讀日本料理學校，曾在神奈川的懷石料理店工作多年，卻又酷愛洋食研究，煮菜不囿傳統。他將懷石料理輕鬆化，在佐酒菜中加入懷石概念。
眼前的蓮藕帶子小饅頭，饅頭用蓮藕磨茸混蟹膏搓成，中間包着帶子，炸熟淋上木魚湯底，味道清幽。放在小陶碗內，美得像件藝術品。烏魚子蟹肉冷烏冬，用意大利烏魚子配北海道長腳蟹，把木魚湯做成啫喱，混在烏冬上吃，東西合璧，清鮮嫩滑，有淡淡禪意在其中。
酒類也超多，紅白酒、清酒、燒酎、威士忌俱全，最正是cocktail，不少也混入日本酒來調，像經典的Mojito，傳統用Rum酒做底，調酒師Peter卻用82年歷史的鹿兒島八千代伝燒酎，配大量薄荷，別有一番清新。
記者：譚偉健
攝影：楊錦文
Hikari BARTAURANT
灣仔謝斐道415-421號積福大廈地下B-C舖