咩嘢叫知恥近乎勇，睇練馬師李易達第三場四班1000米贏「海之濤」就知。此駒一向養於高廐，上季尾過檔弱勢之李廐，馬主馬關平如雪中送炭，對廐主算唔話得，而李易達接手後，畀「海之濤」密密跑，祈求盡快贏馬交代，卒之今季跑到第四仗，呢場畀李易達如願以償，此駒夥拍蘇狄雄藉輕磅之利，罕有地後上建功，閘前WP齊着綠燈起飛，落飛黨肚滿腸肥，騎練亦齊取季內谷戰第一W，「海之濤」則獲轉倉後首勝，對於經常睇住舊部離巢後起勢贏馬之李易達而言，今場無疑幫自己打番場爭氣波。
今場由「海之濤」之廐侶「駕聖」跑第二，開出22倍李易達馬房Ｑ，第三名則係「勝利寶石」，反而大熱門「金紫荊」只得梗頸四。李易達透露賽前睇好「駕聖」多一點，想不到「海之濤」如此神勇，他又幽默地說如果「海之濤」和「駕聖」不是包Q，而是平頭冠軍的話，那就更好，因為會計作兩場頭馬，有利自己爭取贏夠15Ｗ達標，但無論如何能包辦馬房Ｑ，感到很興奮。