已故船王包玉剛女婿吳光正乖仔、現年36歲嘅吳宗權（Douglas），不時喺海灘晒肌，接掌會德豐（020）主席一職之後，更加受到各界關注，上星期佢就被娛樂版影到佢喺中環安慶臺Amazake酒吧夜蒲狂歡，仲話係熟客仔嚟㖭。Douglas都成日幫襯，究竟呢個間酒吧乜嘢來頭呢？
呢間Amazake屬於Privé飲食集團，日頭係普通日式餐廳，4個月前先至完成翻新，兼改埋名，夜晚就變酒吧，侍應都話晚上好多名人幫襯。
至於呢個Privé飲食集團，就喺2006年成立，聽聞，大約有20名股東，最初由一班投資銀行賓架夾份投資開酒吧夜店，後尾又有低調富二代入股，現時就餐廳、酒吧都有，總之就人強馬壯兼低調。