大台前金牌監製梅小青同劉家豪拍過唔少膾炙人口電視劇，九十年代有《今生無悔》，近年有《法證先鋒》，原來呢對夫妻檔唔單止拍劇叻，投資亦有道。呢位夫妻檔喺2006年斥資1,380萬元，買入大角嘴君匯港1座中層F單位，實用面積有成1,689平方呎，翌年仲用120萬元買多個車位，出手都算闊綽。
正所謂「買得大、開得大」，近年樓市，除咗喺2008年底爆發金融海嘯，樓價一度插落低谷之外，呢幾年政府出乜招都冇用，樓價繼續升，普羅市民依然買唔到樓，最受惠嘅，咪就係之前入市嗰批業主囉。
地產界消息透露，梅小青兩公婆呢個君匯港單位，最近連同車位以3,008.88萬元沽出，換言之，佢哋揸住個單位8年，足足勁賺1,500萬元，賺咁多，睇怕都今生無悔喇。