【雨傘革命】佔領抗爭接連引發警民衝突，佔領區內民怨沸騰，連無綫前業務總經理、現為商台首席智囊的陳志雲也忍不住出手，化身成青蜂俠撐學生，前晚他身穿黑衣及戴上黑面罩扮青蜂俠擺出3款戰鬥甫士，然後上載到facebook說：「香港病了，假如我是青蜂俠，我一定會……」。
「學生付出咁多」
記者昨致電問他何以忽然扮青蜂俠時，他說：「其實嗰幾張相唔係噚晚影，我影咗好幾日，不過未有機會擺上facebook。我諗大家𠵱家個情緒都唔係太好，可能有啲輕鬆小小嘅嘢等大家輕鬆吓，輕鬆得嚟又有小小意思，咪擺上facebook同大家分享。」問志雲若然是青蜂俠又會怎樣做？他謂：「呢個係留白。」對近日雨傘革命看法？志雲說：「學生為我哋大家付出咁多，我哋當然唔能夠話唔支持佢哋啦，希望真係通過對話，𠵱家呢個僵局能夠可以畫上完美句號，呢個係大家期望。」
與李小龍同校
為何選青蜂俠？志雲謂：「佢係我嗰個年代，同埋青蜂俠係李小龍扮演過，特別有親切感，李小龍以前亦讀過我間中學（聖方濟書院）。」記者建議他扮Superman，但他卻笑說：「Superman要更加型先扮到，又要將內褲着喺外面，我諗我做唔到。」
此外，一張名為「TVB內部圖，絕密漏出」的花籃照片前日在網上瘋傳，花籃由藝員林漪娸送給無綫新聞及資訊部總監袁志偉，並寫上「謝謝你對香港新聞不偏不倚」，由於林漪娸丈夫是前高級警司譚德榮，頓惹起網民議論紛紛，有網民指林漪娸是撐袁志偉，但也有指她曲線寸袁志偉，記者昨致電林漪娸，但未獲回覆。
採訪：魯吉
【三個粉絲去首爾】
追星實錄，即上韓劇讀: http://hk.apple.appledaily.com/kstar