【搶先食】發現激新　cutie熊本熊cafe

觀塘一田開張半個月，落扶手梯轉右手邊，一直圍住圍板，神神秘秘。昨日路過，謎團終於解開，登登登櫈…竟然開了一間Kumamoto Cafe。先別尖叫，Cafe 21/10中午才正式開幕，不過這兩天試業，已吸引不少粉絲朝聖。

打開餐牌，一系列有Kumamon可愛嘜頭的食物，當然係主打。咖哩飯、漢堡奄列、吉列豬扒、熱香餅……都是熱門的洋式和食，保證大人細路都啱食。別以為Kumamoto Cafe只賣萌，這裏的食材原來非常講究，所用的米、雞蛋、蔬果、豬肉、牛奶、生果都是由熊本產地直送；咖哩醬汁是大廚私人秘方調製，香而不辣，小朋友都可以吃。等食期間，不妨瞄準餐墊上的QR Code，下載一田獨家的Kumamo貼紙相apps，邊影邊等，就最開心。

食物不算太貴，甜品一般六、七十有交易，套餐包果汁、主食及甜品，大約賣百三、四蚊，粉絲們絕對願意乖乖進貢。食完飯，嘆埋甜品，記得順便到門前的精品店逛逛，很多Kumamo精品在此發售，最攪鬼連不求人都有得賣，果然細心，真係唔買都要去睇下。