剛周日谷草日馬開鑼用A跑道，結果大利內叠前置馬，而且有七匹一檔馬上名。今個禮拜三晚(22日)雖然轉用有魔鬼跑道之稱的谷草B欄，但估計仍對內檔馬有利，事關上季9月17日首次谷草B欄八場賽事，所有頭馬都係守於前六位入直路而建功，留得太後好難反先，而且當中七匹頭馬係排五檔或以內起步，其中「偉寶之星」、「祥勝戰駒」、「新妙星」、「馬得利」及「金獅快將」都係貼欄一步不蝕下贏馬，所以必須秤先中內檔馬。
今戰列陣馬中，第二場「彩利」係全場唯一贏過谷草B欄之參戰馬，抽得二檔形勢有利，憑較佳場地性能，可一撼對手。此外，第六場「福爾摩斯」三次跑谷草B欄，獲冠季殿各一，今季一直不跑，操足等番谷草才復出上陣，絕對唔似求熱身。