【本報訊】前飛虎隊「猛將」、退休警長梁家聲對七名警務人員涉嫌毆打示威者曾健超感到痛心，直指該七名警務人員涉嫌對曾拳打腳踢足可致命，批評他們不應用私刑，「一個被綁手腳嘅人，你仲打佢，你係咪人嚟㗎？」他坦言，警隊在處理今次佔中行動的連番失誤，令警隊形象近乎一鋪清袋。
「已上手銬，打佢有乜意思？」
梁家聲前晚在旺角佔領區講台發表意見，聲稱在25年警隊生涯中，從未使用私刑「打犯」，對七名警務人員涉嫌毆打示威者感到痛心，他以「賊王」季炳雄為例，「如果對象係未鎖上手銬嘅季炳雄，佢有反抗，你先要用武力。但如果已扣上手銬，你打佢有乜意思？一個被綁手腳嘅人，你仲打佢，你係咪人嚟㗎？」
梁家聲接受本報查詢時稱，他深明前線警務人員在佔中面對巨大壓力，但都不應毆打示威者，「我睇番條片，七名警員對示威者拳打腳踢，隨時會搞出人命」。他又懷疑曾健超背部圓形傷痕是由伸縮警棍造成。
他直指警隊高層處理佔中行動失敗，進退失據，打擊警隊士氣，「好似上星期五旺角擺到明係清場，但警方向外宣稱係清除障礙物，如果係清理垃圾就搵清潔工，而唔係搵警員啦」。
提及外界質疑警黑合作，梁說：「10月3日有懷疑黑社會衝擊佔中示威者，但警方只係分開兩班人，然後就放人，明顯呢啲係警方上頭盡量㩒波，下面無奈照做。」
【直播學聯政府對話】
時間: 周二下午6時
雨傘革命: http://umbrella.appledaily.com
YouTube: http://bit.ly/umbrellalive