隔牆有耳:許sir唔畀《蘋果》發問 - 李八方

隔牆有耳:
許sir唔畀《蘋果》發問 - 李八方

雨傘革命遍地開花,負責維持社會秩序嘅禿鷹就一直潛水,直至上周六政府搞授勳儀式,先至講完要講嘅偉論,隨即拂袖而去,傳媒唯一同警察雙向嘅溝通渠道,剩低每日嘅特備節目「四點鐘許sir」。
不過,八方同事噚日出席許sir記者會,唔知點解由頭舉手舉到尾,都冇機會被點名發問,就算記者會尾聲得番《蘋果》同另一間傳媒舉手,主持人仍然冇點《蘋果》。八方叫同事唔好用小人之心度君子之腹,許sir𠵱家紅透半邊天,自然多記者嚟見許sir一面,連續兩日都冇機會問問題,咁講法又似乎唔奇囉。