中環大業主置地每年一度舉辦嘅慈善活動「鼠戰中環」，越搞越出色，前日冇受佔中影響順利舉行，銅鑼灣大業主希慎（014）原本打算有樣學樣，下月2日首次喺自己主場搞番個類似嘅活動，點知公司管理層見有人喺銅鑼灣示威，噚日決定取消活動。咁即係「疑似」對政府冇信心，擔心政府唔可以喺呢兩個星期同學生傾掂數喇。
希慎原本參考鼠戰中環，想搞一個競技比賽，要求參賽隊伍喺指定時間內走勻希慎喺銅鑼灣三個主要商場，即利園、希慎廣場同埋利舞臺，完成四項任務。可惜，政府都未認真坐低同學生開會，希慎管理層噚日就話，經過審慎考慮後，由於活動場地附近範圍存在不明朗因素，所以決定取消呢項活動嘞，費事搏咁話。
【直播學聯政府對話】
時間: 周二下午6時
雨傘革命: http://umbrella.appledaily.com
YouTube: http://bit.ly/umbrellalive