【金 鐘】
【本報訊】七名警員涉嫌圍毆公民黨成員曾健超，日前已遭停職。有人在事發地點進行「暗角初體驗」計劃，邀請「朝聖」市民綁手蒙眼，親身體驗最「光明磊落」的對待，以受襲者角度反思事件正確性。
理大生：感覺好無助
「的佢埋暗角！」以麻繩綁起雙手，用黑布蒙起雙眼，瑟縮在牆角下，理大二年級生黎同學親身體驗「暗角」事件，「好無助，想像到當時曾健超俾人打，冇人會幫到我，申訴無門」。他表示，曾站在前線與警察對抗，「淨係怕俾人拉上警車，從未諗過會咁樣俾人打，呢度係香港唔係大陸」，坦言事件破壞警民間互信關係。
「暗角初體驗」發起人Eagco表示，自事件發生後，不少人均指警察都有情緒，出手打人不過是情緒「爆煲」，沒有甚麼大不了，「既然你認為打人一方咁啱，不如你嚟感受吓！」他認為「塘邊鶴」說話不需負責任，單以公民抗命屬犯法就認為是「抵打」，「當你係俾人打嗰個，當俾人打係你仔女，你可唔可以講得出『警察都有情緒嘅啫』？我就講唔出啦」。
Eagco稱自己在事件發生後感到好傷心，因不少有智慧、中立的人，因受報紙、電視報道影響，對佔領生厭產生負面情緒，竟變得認同暴力事件。他明白警察必然對示威者有情緒，但應站在雙方立場去想，互相指罵只是惡性循環，大家各退一步才有好結果。
【直播學聯政府對話】
時間: 周二下午6時
雨傘革命: http://umbrella.appledaily.com
YouTube: http://bit.ly/umbrellalive