廖碧兒昨日在山頂出席「乳健同行」活動，特首夫人梁唐青儀擔任主禮嘉賓，記者問她佔中問題，她都充耳不聞，儀式後在保鑣護送下離開。有傳廖碧兒搬到舊愛陳豪屋企附近，她坦言不想與陳豪扯上關係：「有少少唔開心，想做好自己。」她又謂自覺感情生活開心：「感情包括屋企人同朋友嘛。」問太高姿態可擔心令追求者卻步？她說：「冇諗過，冇得急。」
陳豪唔睇電視
此外，陳豪昨日在將軍澳宣傳新片，他表示會帶懷孕三個多月的太太陳茵媺一起看首映，並笑言希望生完再生：「第一胎仔，咁當然想呢胎係女，但仔都冇所謂，因為我好鍾意小朋友，生多啲仲開心。」問到今年視帝視后心水，陳豪一臉尷尬謂：「有乜劇揀？哈哈哈，或者公平啲，等晒啲劇出晒先講。」被再三追問下，他攤開手說：「我冇睇電視，我真係唔知呀。」
採訪：盧妹
攝影：陳順禎