【雨傘革命】雨傘革命進入第23天，即使警方向示威者施以暴力清場，但從未動搖巿民和學生和平抗爭的心，無綫員工對公司的維穩並不苟同，繼新聞部員工不滿把7魔警涉嫌濫用私刑的報道中一句「拳打腳踢」又刪又播，無綫新聞及資訊部總監袁志偉的錄音流出，節目《東張西望》主持張慧慈和梁麗翹大前晚穿黃衣出鏡撐佔中，J2幕後及配音組近日又默默起革命，由幕後撰寫的多個節目預告配音對白，着迹顯示為佔中者打氣。
旺角前晚警察與示威者對峙時，警方武力升級，不停用伸縮警棍打示威者，J2日前為日本動畫《進擊的巨人》播出的宣傳讀白滲入「佔中味」：「我哋渴望自由，但係唔敢抗爭；追求平等，但又戀慕權力；以前我哋畏縮，今天更加妥協；口口聲聲探尋公義，但又自甘墮落，將來，注定失去更多！」
「大隻B分享上街感受」
有網友把J2昨晚播出的節目《大隻B自由行》預告剪貼上YouTube，並指當中對白疑似聲援佔中：「大隻B分享上街感受，第一千祈咪博出位。第二有人兇你就舉高手仔。第三為表清白，剝光豬先好示威。最後請預咗畀人潑冷水叫你返歸。」網民睇完狂畀like，直至截稿前，無綫官網仍沒把預告片刪走。
撰文：楊定