【本報訊】自由黨主席周梁淑怡昨日在城市論壇上形容，旺角近兩晚的衝突是「暴亂」、「動亂」，隨即惹來主持謝志峰和嘉賓兼前中央政策組全職顧問劉細良非議，認為佔領者至今沒有破壞性行為，一塊玻璃也沒被打爛。有旺角佔領者反指警方如失控般抓狂：「為打人而來，見人就扑！」
示威者：警為打人而來
周梁淑怡在節目上指：「警察唔盡力去平呢個暴亂，市民點算？個個都嚇到目瞪口呆，如果我哋鬧警察係黑警係好冇良心。」周太的「暴亂」言論，連主持人謝志峰也不敢苟同，指雙方對峙：「但我哋睇唔到群眾有乜嘢破壞性行為，你睇到商店係冇受影響。」
時事評論員劉細良也指，如果對其他地方政治有認識，便不會評價旺角是暴亂：「至今我哋未見過有商店嘅玻璃俾人打爛，冇見過有一個垃圾桶俾人燒過，係咪動亂，大家係有目共睹。」學聯常委梁麗幗不認為運動已失控，當時在場的她說有人想衝出十字路口時，其他人已制止，高官無到現場就批評運動失控是不負責任。
周六晚在旺角彌敦道與亞皆老街十字路口的Jimmy指，示威者根本無意搶鐵馬，但警方一見到示威者稍為觸碰到鐵馬，即時抓狂：「警方係為打人而嚟」。佔領者小文亦指：「我見警方係咁扑，男女都打，市民都冇衝擊防線。」