【雨傘革命 第22天】
【本報訊】金鐘雨傘廣場有個「大媽」叫幸太，年過半百，育有三名子女，也有三個外甥，七個人輪流接力「佔鐘」。幸太天天買菜煮飯，安頓好家務，再從元朗出來金鐘通宵留守，「我唔識乜嘢叫政治，我淨係知道自己良心」。她說這場雨傘運動不會一時三刻爭取到真普選，「只不過係一個希望，今次留守、堅守，係希望你哋嘅下一代有機會」。
記者：王家文 潘柏林 黃靜薇
「邊個得閒就邊個嚟！」幸太通宵留守逾一個星期，早上一人守住帳篷，下午就去買菜回家煮飯，晚飯後又再到金鐘。幼女念中四，早前參與罷課，這名大媽就揮筆在家長信寫上「我個女參加社會運動」，替女兒告假。
為免影響她學業，幸太接力佔鐘，同行除了三名子女，還有三名外甥。她說警方施放催淚彈當日，正在上海做展銷迎接內地黃金周，卻收到外甥來電，「問我做緊乜，我話食緊大閘蟹，佢話食緊催淚彈」。
警打人「同黑社會有乜分別」
她以為外甥講笑，沒料到真的在香港發生，於是提早返港，「錢我都唔要，因為我覺得要為我嘅仔女、要為我下一代」。為通宵留守，她找出20、30年前跟兒女去沙灘的地席來用，「冇諗過要用喺呢度」。
第一次瞓街，她覺得榮幸，「瞓到全世界最貴嘅地方，真係好享受自由」。她說不懂政治，卻記得當年香港人第一次可以投票選立法會議員的喜悅，「我即刻登記做選民」。那年是1991年。
佔鐘日子，子女及外甥走到最前線，曾被警員拉開眼罩噴射胡椒噴霧。幸大媽說來平淡，也體諒警察的疲累，要宣洩情緒，「你對鞋係用鐵包，你可以踢牆、踢乜都好，但你都唔可以用嚟踢人發洩」。她說示威者用液體淋警員，若警方有錄影片段有證據，隨時可提起訴，「你係唔需要拉佢去後面打，咁你同黑社會有乜分別？」
幸大媽坦言，金鐘終有一天會武力清場，「共產黨好要面子，唔會畀你和平收場」。她呼籲留守人士打不還手，「因為唔知乜嘢人打你，如果我哋還手就會互打，就會亂、暴動。我哋𠵱家唔係起革命，只係爭取民主自由」。