我重申，我會用中文寫一篇出嚟，然後會用英文寫多篇呃稿費：
利物浦球迷好波。當一頭畜牲竟然喺你尊敬嘅旗幟句子上出現，已係侮辱，如今更要硬搶去沾光，直情應該行私刑。暗角都唔使，直接拖去晏菲路球場開大光燈祼跑（唔係打，暴力嘢都係留番俾另一群流氓做，等天收），反正佢都冇廉恥，不妨觀摩沒卵沒J的如何自在地喺歪風中奔馳。
曼聯、車仔及其他球迷，喺網上竟然同時放下成見，表示對利記友支持，真係令人感動。早兩年又有隻畜牲成日話「齊心」，估唔到應驗喺你班友身上，佢又話「從今只有香港營」，你班友又真係出晒去紮營，再中！主隊巴絲好波。
對住阿根廷呢個高牆，奮勇抗戰嘅雞蛋球員雖然真係攞雞蛋，但都多謝你喺咁艱難時間令大家鬆一鬆，即使後防球員嘅清場力量，絕對清理唔到美斯呢件障礙物。當然仲有班舉遮唱《海闊天空》嘅球迷，示範如何不失霸氣地做一隻雞蛋，呢樣比起某國啲假蛋更難做。至於着阿根廷衫（藍絲？）嘅香港球迷，我知你同戴錯嘢嘅差婆一樣，大家心照。我知，我唔係你心入面條蟲，但我唔會學猿自慰一樣所有嘢都係「涉嫌」、「懷疑」。
多得一班報館嘅死守員工，令大家知道手上嘅報紙得嚟並唔容易。至於報館門口班垃圾，I will now recap in English：You'll never walk alive。
梁栢堅
填詞人+彩池人