星期五晚旺角又爆發示威者同警方衝突事件，大批市民因不滿警方朝早突襲清場，結果導致數以千計市民入夜後重返旺角佔領區，收復失地兼聲援留守示威人仕。雙方期間爆發衝突，場面非常混亂。
講講吓好似離晒題喎！不過今期谷草重開，馬場內亦有可能出現火併鏡頭，一批以「龍」字掛帥嘅馬匹，包括「銀飛龍」、「龍騰虎震」、「確威龍」、「雄心勁龍」、「勁勇威龍」，已擺出博殺格。面對以「駒」字掛帥嘅強勁對手，亦包括有「萬醒駒」、「超群名駒」、「豹顯神駒」、「天時駿駒」、「踏雪名駒」、「帝聖神駒」、「川河猛駒」同埋「醒目名駒」。上述兩幫人馬有啲係同場火併，但大部分都係各自佔據其中一場賽事，真係唔知今次係「駒」字頭贏吖，抑或「龍」字頭上位呢！