近日香港《蘋果日報》受到反佔中人士滋擾，八方連續多晚同一眾同事留守公司，守護《蘋果》出版發行，好多報販、市民繼續支持《蘋果》，八方無言感激，保證會同其他同事一齊緊守崗位，做好工作。《蘋果》印刷廠嘅同事，都一樣堅守工作崗位，最近仲獲得殊榮，恭喜恭喜。
《蘋果》早前榮獲國際報業色彩品質俱樂部（The International Newspaper Color Quality Club, INCQC）2014-16年嘅會員資格後，近日再被獲邀加入「Star Club」，呢個世界級最高殊榮至今屆為止，合共只有32家報社可以成為Star Club成員，亞洲區報紙印刷廠有此榮譽嘅，包括香港同埋台灣嘅《蘋果》印刷廠，仲有新加坡報業控股公司。