一年一度的香港高爾夫球公開賽，已經於粉嶺開波，由周四開始一連四日都有賽事。今屆賽事除了有得睇名將占文尼斯能否衛冕外，亦有南非好手艾斯，以及全運會勇奪男團銀牌的「土炮」港將黃煥民。當然，今年最吸引之處，是觀眾可以趁周六、日放假，帶埋囝囡入場睇波，皆因賽會免費畀16歲以下球迷入場，都時可以一邊睇高手過招，一邊享受天倫之樂。