愛華頓後防穿窿，加上近年迎戰阿士東維拉例演入球騷，故周六英超主場與該支中部球隊對壘，首選入球「大」。
愛華頓防線儘管有侯活、菲臘積基爾卡及巴尼斯等星級球員壓陣，但居然是今季聯賽暫時失波最多的球隊，7場共失16球，更有新星史東斯上場聯賽弄傷足踝韌帶，經手術後要休息8至10個星期，其中堅位置料由36歲的迪斯甸頂上，難免令人更擔憂。
至於維拉開季表現好，頭5場比賽取得3勝1和1負兼僅失兩球，但自從上月主場吞阿仙奴3蛋後，後防開始缺堤，近3場聯賽共失8球。無疑阿仙奴、車路士及曼城實力均在愛華頓之上，惟「拖肥」前線不乏好波之人如盧卡古、艾登麥基迪、伊度奧及賴史密夫等，其中料踢進攻中場的賴史密夫聯賽已入4球，料可為維拉後防帶來考驗。還要留意的是，愛華頓近年與維拉交手入波甚多，近6次交手有4次開總入球3球或以上；若單計葛迪遜公園球場作賽，6場更有5場的總入球開3球或以上，故此宜向入球「大」埋手。
信和波攤路兼捧「客勝」
另外，維拉於聯賽雖然連輸3場，但過去兩周國際賽檔期令他們有喘息機會，領隊林拔可重整球隊。儘管愛華頓實力在他們之上，惟級數未達一線，加上開季後表現麻麻，10場比賽取得2勝4和4負；維拉近5次於聯賽到訪葛迪遜公園有4次打和，故有力取分而回，「讓球主客和」必博維拉[+1]「客勝」。
文：青蛙仔
識睇，一定係睇足英台【英波Live】：
http://soccer.appledaily.com
http://bit.ly/engballlive