周六英超上演去屆英足盃決賽翻版戰，由阿仙奴迎戰侯城。論實力兵工廠無疑在侯城之上，但球隊近況麻麻之餘，陣中傷兵亦頗多，下周中又有歐聯後顧，宜取他們入球開「細」，有2.2倍好分頭。
阿仙奴近4仗僅1勝，下周中又要於歐聯作客安德列治，加上陣中傷兵滿營，前鋒基奧特、中場奧斯爾及後衞迪保治等全部未能候命，最近又有後衞哥斯尼加入「十字兵」行列，連傷癒的翼鋒禾確特及中場艾朗藍斯等亦因缺態，今役料不會擔正；就算兵工廠有中場阿迪達、路斯基及前鋒韋碧克可以候命，今役亦未必可以於阿聯酋球場輕易大勝侯城。
侯城今役同樣未能「夫添」，門將麥基哥及攻擊球員辛迪加斯等均要養傷，前線料要倚重謝拉域爭取入球，但要射破阿仙奴大門有一定難度。既然入球「細」有2.2倍，值博。
博1:0、2:0波膽好分頭
阿仙奴今役始終有主場之利，而且攻擊球員如阿歷斯山齊士等又腳風頗順，加上侯城同樣近況一般，近6仗只得1勝2和3負，故兵工廠料能順利勝出。不過，由於主W只得1.29倍太熱，倒不如博他們贏1:0及2:0的波膽，分別有7倍及6.3倍，中了就有本有利。
文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive