前兩日八方寫過，郵差叔叔不負所託，將寄畀「金鐘夏愨道／干諾道中佔領區近海富中心No.22帳篷佔領者收」嘅信，成功送到畀佔中三子，實情係金鐘帳篷，全部有晒號碼，但原來唔只有No.22帳篷，帳篷冧巴已開到No.64，當然會令人聯想到六四事件喇！
據有關人士報料，佢哋已經有一個No.03號帳篷，若果再收到其他人捐贈，可以加新帳篷的話，佢哋會先加開特別冧巴71號同89號，到時可同No.03號、No.64砌成「89.64」同「03.71」，分別代表八九年六四事件同03年7.1大遊行，紀念呢兩件重要爭取民主事件！
不過就算有「89.64」或「03.71」帳篷，日後可能寄唔到信去，因為香港郵政噚晚出稿，話如果地址錯誤或不完整，係會不予派遞，亦「聲稱」冇派過信去夏愨道「佔領區」，咁之前封信係點嚟？若果有郵差叔叔好心派咗去，會唔會被炒？