特首辦新聞統籌專員馮煒光未上任就話要做到好似「白宮發言人」咁,可見佢幾嚮往登上國際舞台!今次終於畀佢得償所願!不過就唔係衝出國際,而係「柒」出國際,佢係facebook轉載一張警員受傷嘅港視劇照當真相,俾網民恥笑佢「柒夠未」之餘,仲上埋《Time》網站,報道標題係「Hong Kong's Top Media Official Shared a Fake Photo of a Beaten Cop」,話佢轉載假相可能想為警員博同情,但最終只會適得其反。八方見「白宮發言人」今次「揚威國際」,佢自己或者會「好高與」,但係香港人就肯定覺得,佢真係丟盡香港人面子囉。