有圖有真相，但要有真相，舉機又太近，隨時被人指責你挑引、衝擊、暴力，影到無癮。其實，平日街頭抓怕，又的確係一寸長一寸強，中距離鏡頭，永遠就比標準鏡多攝影空間。太近拍攝，又的確會令人增加壓力，隨時影出「火」。
不過玩開蔡司(ZEISS) 鏡嘅粉絲，以後就可以企遠啲影。ZEISS OTUS系列，過往只有Otus 1.4/55mm定焦鏡頭，想搵支遠鏡拍攝都覺困難。至於較長焦距的頂級人像鏡Otus 1.4/85mm，一直只聞樓梯響，但呢兩日終於到貨，在天祥的k11分店就有得賣，開價$35,600，記者第一時間走去開箱。
外國早有評測指，呢支中距離鏡頭，與其他大廠生產的同焦距鏡頭相比，成像、畫質也是No.1，雖然是手動對焦，但對焦環可達到265度旋轉，換言之對焦更加精細，我開箱試過，轉對焦環全無阻力，非常暢順，另外此鏡的模糊散景也一流，難怪如此多人追捧神鏡。
此鏡除了成像一流，最近對焦距離為80厘米，抓拍亦可行遠兩步，以後要影半身或大頭，唔使用鏡頭「衝擊」啦。
記者：童傑
