差人噚日清晨趁人少少，突擊清咗旺角佔領區，話說熱血公民黃洋達噚日朝7點先全副裝備，拉隊去到旺角準備「勇武抗爭」，同惡警鬥過，不過有網民就串黃洋達，話差佬5點半已經開始清，6點半左右大致上清完，黃洋達7點鐘到旺角唔知幫到啲乜呢，喪鬧黃洋達「清場唔見人，散場上晒身」，直情係「抽水公民」。
咁啱社民連吳文遠又喺facebook留言話，踢爆「勇武首領」竟應承差人返行人路，幸好佢及時制止，唔知佢講嘅係咪黃洋達呢？Anyway，黃洋達見到個post就反鬧番吳文遠轉頭，話吳文遠喺人哋「戰鬥」嗰陣抹黑。八方睇見咁環境，黃洋達似乎搞唔掂，怕且要國師陳雲召天兵天將幫佢，不過國師肯唔肯放低個鍵盤出山，又係另一回事。