國際賽期一過，各地聯賽又重開，英超球迷又忙個不停。本地球迷對曾來港獻技嘅球隊及球員有偏好，好似曼市雙雄近年都有嚟過，印象唔錯，加埋過往有成績，積累嘅擁躉唔少，曼市雙雄打波特別多人留意。
球員撐佔中被警告
今日推介大家留意係今晚曼城（圖）對熱刺，兩隊都有唔少射得之人，從數據上兩隊過去6次對壘全數開「大」，而曼城嘅阿古路今屆已經入咗6粒，可謂入球停不了，1.57倍「大」可能低水咗啲，但諗深一層，有咩投資可以喺兩個鐘頭有57%回報率呀！玩波記住越簡單越好，一場一場嚟，中咗袋起佢，就算一百幾十都叫做可以買個飯盒或買杯嘢飲呀！
香港打完阿根廷，抬咗7隻光蛋後，同區隊副領隊去冰室飲茶傾吓偈，一坐低副領隊面色唔多妥咁，問佢咩事，佢話隊內有嚟自國內嘅球員打畀佢，話有麻煩。佢話個球員早排返內地搞證，返到嚟話想出市區支持吓佔中，點知被警告。
佢話：「高層話唔可以表態支持，原本班隊友想比賽時手纏黃絲帶，但未行動已統統禁止，仲講明如果唔聽話，輕則冇獎金，重則解除合約咁話。」我聽完，唔使咁嚴重箒，唔知纏藍絲帶又得唔得呢？講開佔中，大埔鄉紳就擺明車馬，自己去到金鐘指手劃腳撐藍絲帶反佔中，冇叫球員幫手撐場，呢啲咪好嘢囉！
本地職業領隊
耳聽八方 專收好料
識睇，一定係睇足英台【英波Live】：
http://soccer.appledaily.com
http://bit.ly/engballlive