葉蘊儀日前接受有線《星級會客室》訪問，於事業頂峯時選擇隱退娛樂圈結婚的她，剖白離婚經過，坦言不可因婚姻而失去自我，更從中學會更愛自己。她說：「我同佢（前夫）拍拖冇耐，佢就向我求婚，我好爽快就答應咗，其實我都覺得當時自己未諗清楚，認為婚姻只係兩個人嘅事，但原來結婚係會影響身邊好多人，對生活有幾大嘅衝擊。」