「聖徒」修咸頓今季在英超異軍突起，連帶加斯安奴柏利及尼達利基尼也獲國家隊徵召，周六聯賽主場對新特蘭，憑開季主場不敗走勢，主W可作過關穩膽。
修咸頓開季以7戰4勝1和2負排第3位，排名猶勝曼聯、阿仙奴及利物浦等億萬大軍，連帶聖徒不少球員也水漲船高，如加斯安奴柏利、荷西方迪及尼達利基尼等均在上輪國際賽晉身大國腳，其中前鋒加斯安奴柏利首度代表意大利就攻入1球。雖然國際賽後往往易染「FIFA病毒」，不過後兩將僅坐冷板凳，柏利亦早於周一完成國際賽，體力影響不大，加上今季聯賽主場3戰2勝1和的走勢，主W穩開。
般尼撼「槌」入球唔慌多
新特蘭上仗3:1擊敗史篤城，才打開今季勝利之門，部份主力如奧沙及史提芬費查也要為國家隊出戰。「黑貓」今季作客未嘗一勝，甚至不敵升班馬昆士柏流浪；球隊位於東北部，今仗更要遠征英格蘭最南端的修咸頓，旅程甚為吃力，今仗難逃一敗。
同日其他英超秩序，般尼上仗在升班馬大戰以2:2逼和李斯特城，今季總入球才增至3個，球隊攻力仍弱，周六主場對韋斯咸，客軍今季防守繼續硬淨，未必多失，入球「細」穩開；李斯特城近兩仗不勝，但今周作客紐卡素，就算主隊門將告魯爾可披甲，但球隊開季戰績亦沉，信李城可保不敗，受讓平/半博下盤。
文：牽牛
識睇，一定係睇足英台【英波Live】：
http://soccer.appledaily.com
http://bit.ly/engballlive