話說一日，鬼咁神心同外母飲茶，佢老人家幫襯開同鄉希慎道百樂潮州。外母鬼咁開胃，攞住張點心紙，呢樣又剔、嗰樣又剔，結果奇怪事發生了！蝦餃、燒賣、蘿蔔糕……其中一籠，零舍唔同。三隻拳頭咁大的冬菇，塞爆蒸籠，我不禁倒抽一口涼氣，乜世上有咁大隻冬菇嘅咩？只見外母夾起隻冬菇施施然入口，至知原來係一隻冬菇包，真係似到呢！我鼓氣勇氣食咗一啖，餡料有冬菇粒、椰菜同豬肉做，好香。包面原來用咗唂咕粉，好似。瞄下隔籬枱，見有人夾住原個南瓜仔咬，一問，原來係南瓜樣鹹水角，感覺呢個世界真係光怪陸離、無奇不有！我重申，真係無奇不有。
地址：銅鑼灣希慎道23-25號
記者：譚偉健