警方疑濫用私刑對付示威者，但執導電影《賭城風雲2》暫定於內地賀歲檔推出的王晶，卻在微博力撐警察，甚至稱覺得打得少，又爆粗鬧圍插他的網友。他昨日又在微博發功說：「黃秋生先生、杜汶澤先生、何韻詩小姐。我們曾經有過很愉快的合作。我也尊重你們可以有個人的政治主張。但絕不認同。為免尷尬，你們的聯絡方式將會在我手機及電腦刪除。」對此杜汶澤昨回應說：「又唔見佢講周潤發？佢份人，我好明，是但啦！哈哈！」
黃秋生昨在電話中回應：「Delete咪delete囉。個個人都有權選擇，個個人有做佢嘢方式，我直情連聯絡電話都冇㖭！」秋生揚言不會記掛心上，不過他懷疑王晶微博會否被黑客入侵：「佢唔搵咪唔搵囉，使乜公開話畀你聽？如果係真嘅，應該有周潤發同劉德華個名。」何韻詩則說：「唔好意思，我最近比較忙，唔得閒回應呢啲雞毛蒜皮。」
採訪：陳杰
