特首梁振英指收取澳洲UGL近5000萬港元款項作為「離職補償」，建制派議員積極為其辯護。民建聯譚耀宗指北京已知悉事件，覺得不算「嚴重」，同黨的李慧琼亦指協議屬商界常見的黃金握手，Golden handshake。惟有商界人士不認同「黃金握手」的說法。
「梁振英嘅情況，你問我嘅話，我覺得唔太算係黃金握手」，獵頭公司CoreSearch董事總經理張慧敏說道。她指黃金握手是保證新加入僱員履行合約的手段，「可以是甫加入公司便先得一筆握手費，如1000萬，工作滿一定年期，全數獲得金錢，若未履行合約年期便離職，要按比例退回」，而梁振英的情況算是Golden hand off 「黃金收手」。「呢筆錢係用嚟令佢唔去再開第二間公司，同被收購公司直接競爭，呢筆算唔算Golden handshake，我有疑問」。
對於協議是否涉貪，非法還是合法？她指「如果買方覺得戴德梁行當年做得最好，最賺錢係香港，而香港生意主要靠梁振英的話，UGL畀筆錢梁振英，叫佢唔好同公司競爭，合理。至於佢係咪犯法，要睇梁振英同戴德梁行之間的合約條款，有冇一條係話任職期間唔可以收受利益，但係呢啲我哋冇睇到」。