有玩開《信長之野望》系列的粉絲，都知道今年係呢個遊戲系列的30周年紀念，光榮仲強勢推出信長系列第十四代遊戲《信長之野望 ‧創造》。今集賣點係全實況地圖，無論你個佔領地被幾多個對手衝擊，都可以一目了然，遊戲入面仲重現了戰國日本超過300座城池，目不暇及之餘，而且有排你佔領，可玩性十足。
《信長之野望 ‧創造》中文版，其實9月頭已經到貨，不過都係一貫定價策略，售價高企喺500多元，令唔少粉絲卻步，記者身邊唔少人，都唯有苦等冧價。不過記者昨日去掃場，得悉中文版已經跌破五百元心理關口啦，且有下行趨勢，有Game舖店長話，似乎隻遊戲就快跌定，始終係30周年紀念大作，點都有人會玩，估計售價唔會小幅反彈，係入貨的好時機。
記者：童傑