黑警毆打撐佔領嘅公民黨成員曾健超，全城震怒，成立僅僅一星期已有逾五萬fans嘅「四點鐘許Sir」facebook專頁，版主宣佈噚日起唔再更新。「摺埋」許Sir之前，版主忍唔住爆粗狂鬧黑警、TVB新聞台高層同盲撐黑警打人嘅「市民」，指今次「已經唔係政治立場問題，而係人性問題」，指只要有少少惻隱之心，見到有人咁俾警察打，冇可能仲笑得出！
同樣受網民歡迎嘅「四點鐘江Sir」同「李Sir馬路的事」fb專頁，噚日亦宣佈會關閉抗議，版主話對警方一次又一次「光明磊落」行動感到氣憤，重申最後一次，警方以後唔配再用「光明磊落」呢四個字。