港漫經典《風雲》故事將會步入尾聲，打頭炮的，係一場大型武俠舞劇《風雲》，馬Sir同香港舞蹈團合作，開創港漫先河，將漫畫改編成舞蹈，屆時聶風同步驚雲兩位男主角的動作，會透過剛柔並重既流雲舞步，有如黑暗中的點點流光，徐徐踏出。目前舞劇已加緊籌備，正式上演時間在12月12-14日，認真期待。
原創漫畫風雲，出版至今經歷了二十載的歲月，人物刻畫細膩，要在一場舞蹈表演出來，認真唔容易。馬sir話，其實十幾年前已經開始構思，傾緊版權，今日終於面世，佢話今次變成舞蹈，仲難過拍戲，最想將漫畫的動感，帶入改篇作品。但點解唔搵富城同伊健呢？馬sir話今次改編係高難度，唔係人人表演到架啵。
負責今次舞蹈的導演楊文濤就話，最想將兩個男人的情感，表露無遺，不過就未必會有太多招式。咁又係，風雲本無定，無招勝有招嘛。
記者：童傑