徐緣覺得現今社會有一種奇怪現狀︰「o依家好多人，生活上冇咗一種urgency，你問佢想點，佢會答你唔知，hea吓先啦！」的確有好多人仲未搵到人生目標，但只要睇過夏蕙BB同威廉對生命嘅堅持，係咪大家都要檢討一下自己呢？「你聽佢哋兩個講，會好清楚線再有乜嘢做，聽日做啲乜，同一般你聽到，一啲消極啲嘅人嘅諗法好唔同！」係囉，坐言起行啦！