張敬軒前晚在紅磡綵排個唱，對於同屬英皇的容祖兒和Twins不再續簽無綫歌星約，軒仔說：「要問番公司，今年有好多TVB大騷，自己都有做，收合約歌星報酬。」他又重提當年四大事件，表示歌手唱歌只可唱分半鐘，化妝整頭都是自費，8、9年前收一百元利是，後來連利是都取消，軒仔又暗寸無綫說：「一間咁大、資歷又深嘅電視台，唔可以只靠自己公司歌手。」而他更恭喜香港電視下月開台。
軒仔又表示支持學生公民抗命，直斥政府手法：「我覺得政府處理唔夠好，唔使激到大家引發咁多矛盾。好似有啲政府背景傳媒，當佢報道一啲藝人諗法時，就會變得政治化，藝人支唔支持都好，都唔想見到香港唔好，亦唔想見到市民受傷。我都冇上一輪微博，因為啲人話我漢奸及走狗，呢啲係好嚴重字句，不過公道自在人心。」
採訪、攝影：黃曉妍