今次又用我嘅強項蜻蜓投資捉到隻新股，有個老友即刻問我，你唔係唔鍾意抽新股咩？我就解釋，我係好少買新股，但唔等於隻隻新股都唔值得留意，想同大家分享衍生集團（6893），今日咁啱又係衍生上市嘅大日子，等我同大家分享衍生嘅「N稿」先！
呢排港股成交量減少，加上政治紛圍影響，好多人都唔夠膽入市，但衍生喺上星期四結束招股嗰陣，公開發售仍超額認購860倍，成為咗香港頭五位新股超購王，真係好堅，嚇咗我一跳。身邊好多朋友都同我講衍生一定會喺1.2元上市，因為多數成千倍超額認購，好多公司都會以上限定價，但衍生最後冇以1.2元上限訂價，我就同佢哋講以1.18元訂定價，實有佢原因啦！
衍生老總用心良苦
大家試下不停讀118，118，覺唔覺得同「日日發」個音好似，衍生上市後，收入每日創新高，第二個原來就係衍生好想將部份收益回饋畀一眾投資者，投資者慳0.02元，咁啱就係投資者認購衍生成本，變相幫投資者慳咗一筆手續費，證明衍生老總對投資者用心良苦。
另外，衍生上市前有成4,600萬現金，而上市後大部份現金都留喺公司，大股東同各位一齊同舟共濟，股價上升先係最佳位置。衍生希望將來進行更多併購及開發更多創新產品，擴大客戶人數，將業務同品牌繼續擴展出去，大家信我，揸一陣，應該唔錯！
唔知大家仲記唔記得，四中全會喺月尾進行，Prof J推介多兩隻四中全會股，第一隻係美麗家園（1237），啱啱同漢能（566）簽定戰略合作協議，共同開發新型智慧家居木屋別墅以及光伏組件木製產品，有利美麗家園嘅銷售渠道。
第二隻當然係中盛資源（2623），除咗本身鐵礦業務外，亦會同從事金屬金達鈦業合作，中盛收入好大機會又會倍升，股價會唔會又倍升，大家可以繼續追蹤，出發！
徐燦傑
齊魯國際控股首席策略總監
本欄逢周四刊出