警方昨日凌晨於龍和道清場期間，無綫新聞拍攝到幾位警員疑毆打公民黨成員曾健超，首次播出版本旁白提到警員「拳打腳踢」，但其後刪除，引起網民狠批自我審查。曾為無綫拍劇的林文龍昨在電話中說：「好多人將無綫新聞冠名CCTVB，其實類似情況唔止一次，大家自己衡量，即使有冇旁白，我就睇真相，事實勝於雄辯。」他斥警方疑用私刑，是不文明表現。
吳文忻：手法低莊
前港姐吳文忻（現改名吳忻熹）則說：「我一向唔睇無綫新聞，咁大家明白啦。」她贊成警方清場，但認為不應用旁門左道：「俾人鬧都係咁話，清場係警方責任，但唔好用黑社會、口罩黨，好明顯有人畀錢清場、又唔畀報紙出街手法好低莊。」
泥鯭批評無綫操守有問題，他說：「無綫咁做好戇居，一個新聞頻道影到乜應該播乜。我一直冇睇TVB所有節目，只係間唔中睇吓港台時段，因為唔鍾意睇囉。」昨繼續留守金鐘的何韻詩說：「市民係有眼睛嘅，儘管佢哋用盡好多方法，令有一啲人睇唔到，但我哋係有互聯網年代，拍晒好多片係有證據，唔可以話冇發生過，呢個政府應該知道，唔可以咁樣蒙混過去，唔係咁容易蒙騙市民。」
另一位前港姐袁彌明昨鬧爆無綫新聞部維穩：「TVB從來係垃圾，造新聞誤導觀眾，好唔負責任，記協應該譴責佢，收番佢個牌，要佢停台。」
採訪：嵐山、皓騫
網中吟：發起投訴TVB
無綫新聞疑自我審查，刪改警察毆打示威者片段，不少網民深感不滿，質疑無綫處理新聞的手法，紛於網絡留言反映不滿。
R7_Rosicky：想投訴CCTVB播假新聞有乜方法
大件事啦今次：畀我唔忍喇，一定要告TVB
PulpFiction：平時係字眼上玩，啲師奶好易被洗腦，尤其係六點半新聞，成日會剪到比互動更河蟹
泡沫花火：強烈請求TVB記者作出不合作運動
平無奇：整合TVB所有廣告商名單，廣傳，罷買，用盡所有途徑廣傳，令廣告商向CCTVB施壓！
羅賤宰：無綫新聞不嬲有商業審查，佢一年收紀律部隊好多節目贊助費，咁明啦！
資料來源：高登討論區、香港討論區