中國男足國家隊沉寂咗好一段時間，剛結束嘅亞運又16強止步，被外界批評青黃不接，好彩大國腳都算爭氣，周二喺長沙舉行嘅友賽，國足就憑隊長鄭智射入12碼先開紀錄，加上武磊完半場前建功，以2:1擊敗巴拉圭，14年嚟首次擊敗南美球隊，而新任教練佩連上任後，戰績亦錄得7戰4勝2和1負。
始終呢場只係國際友賽，賽前競爭意味唔係太強，不過中國就安排咗11位𡃁模做國足保衞隊，鼓勵一番班球員。今次贏波，國足球員都可以喺靚女面前威一威。香港前鋒安基斯就同美斯換到波衫，巴拉圭最大名氣嘅球員就係前曼城前鋒辛達告魯斯，國足門將王大雷就同佢交換到波衫，仲放上微博㖭。另外，佩連領軍後中國勢頭咁好，下年1月喺澳洲舉行嘅亞洲盃，中國就同沙地阿拉伯、烏茲別克同北韓同組，睇吓又可唔可以突圍出線嘞。
識睇，一定係睇足英台【英波Live】：
http://soccer.appledaily.com
http://bit.ly/engballlive