伍允龍主演的電影《天師鬥殭屍》和《屍城》同時上映，前晚《天師鬥殭屍》在圓方舉行首映禮，在這低迷電影市道下，伍允龍竟然有兩部電影上映，他為隆重其事特別邀請了女友鍾嘉欣去到撐場，加上另一男角鄭中基缺席，伍允龍鍾嘉欣頓成焦點。
「阿龍請我嚟」
記者邀請嘉欣跟伍允龍合照，二人尷尬走到台上，台下的賓客即刻起哄大叫，氣氛猶如婚禮現場。問嘉欣是否專程捧男友伍允龍，她仍然死口不認，故作神秘說伍允龍是朋友，她說：「因為有朋友請我睇戲，所以今日嚟。」
記者窮追問朋友是否指伍允龍，嘉欣避無可避，惟有正面回答：「係阿龍請我嚟，最近拍完劇多啲時間，知道呢行好靠關係，都係你撐我、我撐你。」
嘉欣和伍允龍在公開場合世紀合照，嘉欣邊否認邊尷尬，問到出面力挺男友，感情是時候浮面？她即扯開話題說：「好多年冇睇首映，初入行成日睇首映，六年冇睇。香港有好耐冇拍殭屍片，以前成日拍，仲好hit，細細個都睇好多殭屍片。」
指導元彪緊張
相對地，伍允龍就大方得多，直認邀請嘉欣撐場。他透露今次在戲中做搞笑角色，還擔任武指：「要指導元彪，好緊張，有夢想成真嘅感覺。」問到新戲自己打自己，他說：「一個人可以睇好多套戲。」
採訪：溫敏芝
攝影：陳志嵐