知道邊個係黎智英嘅香港人，必定知道佢嘅花名叫做肥佬黎；所以當噚日凌晨時分，一班大叔大媽攞住塊banner，浩浩蕩蕩坐住旅遊專巴接送入壹傳媒大樓，話要搵八方老闆找晦氣時，八方都啼笑皆非。
嗱，八方當然唔係笑佢哋疑似收錢嚟做大戲嘅舉動啦，因為日日上演有啲悶，反而好驚佢哋去錯地方搵錯人至真。事關張白色banner好hea咁用黑色筆，以殘體字大大隻寫咗七粒字：黎胖子汉奸走狗。胖虎就話知係邊個啫，黎胖子點知係乜水？其後聽埋呢批「示威者」大部份連廣東話都未講得正，謎底終於解開咯：哦，原來又係來自強國嘅大軍！怪唔得用咗強國人先用嘅「胖子」啦！