Beyond的93年作品《海闊天空》最近翻hit，過去十幾日不少為爭取普選人士都有在示威區高唱這歌，激勵人心。不過早前秦沛一對子女姜文杰和姜麗文在杭州參加浙江衛視的《我不是明星》，疑因選唱《海闊天空》，被製作部刪剪至僅得五分鐘片段。
姜文杰昨日在電話中說﹕「我哋進入最後四強，一小時半嘅節目，預算每個組別應該有15分鐘出鏡機會，但最終我哋得番五分鐘，首歌剩番一半。」是否歌詞太敏感？他說：「初時冇感覺，但網上回響幾大，係咪所有Beyond嘅歌都唔可以唱？我係有少少不忿，唱嘅原因同政治冇關，可能係電視台自己顧慮。」姜麗文則說：「唔覺自己揀錯歌。」
採訪：嵐山