中國滿天神佛，好多歷史人物，更加無厘頭地位列仙班。假如今日有本神話書，入面有多一個Post，叫做「地獄財神」……
子：Daddy，呢兩個神仙個名咁恐怖嘅，叫「地獄財神」，佢做咩架？
父：「地獄財神」嘅使命，係要令每一個佢出現嘅地方，輕則破財，重則破產。
子：佢哋好恐怖呀！咁呢度有兩個「地獄財神」，邊個勁啲呀？
父：其實佢哋都個都唔惹少。左邊呢個叫成龍，人稱「代言毒藥」！好多公司搵佢代言都冇好下場。你睇下佢，代言愛多VCD，愛多倒閉、老闆坐監；代言汾煌可樂，最後呢個牌子消失；代言小霸王學習機，小霸王最後死了；代言霸王（1338）後，霸王股價動L，跌得快過啲頭髮；思念水餃，就驗到金黃葡萄球菌。
子：咁恐怖！好邪呀！咁左邊呢個呢？個樣好奸咁。
父：呢個叫梁振英，因為佢個性格狼死，所以人稱「狼英」。佢就勁啦，可謂遇神殺神、遇佛殺佛。佢窮半生精力去搞戴德梁行，結果清盤收場；到2011年，戴德梁行俾澳洲上市公司UGL收購，UGL仲同689簽「秘密協議」，之後你睇下UGL股價…
子：嘩！由十幾蚊澳紙，跌到今日得番幾蚊雞，今日仲創04年新低。
父：仲唔止陀衰公司，做好多公職都會出事！做城大校董主席時，搞到城大滿城風雨，「天價獸醫課程」累死城大；當年有個城大博士生，原本因為表現錯，被終止學籍，點知梁振英一開聲，就頒番個博士學位俾佢，壞咗城大多年基業。
父：仲有董建華年代，度條「八萬五」嘅屎橋，搞到樓市即冧；去到自己做特首，又涉賄選、又涉貪污、打壓言論自由，香港政府國際形象兩年內破產。就好似何柱國咁講，真係一舖清袋！
子：Daddy，你睇！佢民望條Curve就好似UGL股價咁！打橫瞓咗喺度！今日仲跌至任內第二低。
父：所以你話呢兩個人，係咪好邪呢？
子：Daddy，咁既然兩個威力都咁大，咁不如搵成龍做梁振英代言人，互相邪住對方，咁咪可以消滅兩個衰神囉。
by千頌C@堆填區
http://fb.com/winbigwok