【雨傘革命】雨傘革命受到反佔中人士阻撓，警方又縱容黑勢力，和平抗爭之路越見難行，警方昨在金鐘清場，「文化界監察暴力行動組」（「文化監暴」）成員何韻詩和黃耀明昨走到金鐘前線聲援，黃德斌和張建聲昨日凌晨也到金鐘撐學生。
黃德斌昨日凌晨就與劇集《天與地》導演戚其義和女友簡慕華等現身金鐘示威區，黃德斌邊行邊舉機拍照，他昨在電話中說：「我去了解吓，現場好平靜，仲見到人性有光輝同黑暗面，呢一課對學生嚟講好重要，比課本認識更加多，學生佢哋好叻。」黃德斌覺得現在有甚麼解決方案，他說：「呢樣要問政府，我哋只係升斗巿民。」
明哥阿詩呼籲撐到底
警方昨午拆走金鐘道路障，重開道路，近200名巿民於樂禮街靜坐阻止警方行近示威區，明哥和阿詩則在路邊監察，問到覺得情況悲觀還是樂觀？明哥說：「唔敢講，個人睇係樂觀，大家好齊心，希望可以撐落去，政府𠵱家唔講嘢，但又鬼鬼祟祟拆嘢，唔肯對話。我哋最怕暴力事件會一路升級。」對於《蘋果日報》被打壓，明哥說：「呢幾日發生咁多，係一個湊巧，係有組織一件一件，有不同勢力打壓和平抗爭嘅人。」明哥不擔心工作受影響：「冇心機，亦冇乜人搵我。」阿詩則說：「對面故意挑釁，唯一方法係和平。」並揶揄警方拆路障卻否認清場，她說：「佢哋唔應用語言偽術，清咪清囉，巿民有判斷力。」阿詩不屑新聞自由被打擊：「希望有良知嘅人繼續行出嚟。」他們同聲表示會撐到底。
此外，張建聲和王宗堯佔中期間密密到場聲援，張建聲幾乎留守近兩周，他前晚facebook鬧爆政府：「你務實少少真心同學生傾吓，唔應承全部，都應承一部份先，聽吓民意，唔好再聽後面所謂政改智囊團嘅on X意見。」張建聲昨在電話激憤說：「我喺現場見過反佔中人士打人，警方撓埋雙手，好X仆街，等天收，𠵱家有事都唔敢報警。」張建聲表示混亂時必先照顧年幼學生：「我試過執過幾件離開，佢哋遇到突發情況會嚇到呆咗。」
採訪、攝影：陳杰、文國駿
