嗱，就算公司被圍堵阻出版，呂晨都意志堅定，絕不向惡勢力低頭！不過有股藍色就好難擋。講緊嘅唔係製造混亂嘅藍絲帶力量，而係英超今期無人能敵嘅車路士！越戰越勇嘅迪亞高哥斯達（右）、夏薩特同法比加斯被選為目前英超表現最佳頭3名球員，也是常識吧。
英超開季已近兩個月，車路士現以7戰6勝姿態雄踞榜首，功臣當然少不了西班牙前鋒堤亞高哥斯達。雖然哥斯達其貌不揚，對女球迷嚟講球賽嘅賞心悅目程度跟舊將費托差10條街，不過今夏由馬德里體育會轉投嘅哥斯達至今已經攻入9球，其神勇表現的確令人眼前一亮，相信多少都攻佔到女球迷嘅心。呢位新兵除極速攻陷車迷之外，甫轉戰英超已經神速以287高分勇奪EA最佳表現球員第1位，力壓同隊拎得188分嘅夏薩特同176分法比加斯，三甲位置都被藍軍佔據，第4名則係今季表現搶眼嘅利物浦小將史達寧。
藍軍今期英超最紅，車迷應該好開心，着晒波衫示威至係；不過藍色亦係今期香港最「惹火」嘅顏色，呢股藍色力量真無辜。
文：呂晨
以女性角度看球星新聞，唔用眉筆用原子筆寫低球壇百態！