政府總部前空地，政府仍然叫佢做「政總東翼前地」，喺市民心目中佢永遠係「公民廣場」，但原來連Google Map都係用呢個名！八方呢幾日經常喺廣場採訪，偶而打開手機嘅Google Map，就發現地圖上標示嘅身處位置，正正就係寫住「公民廣場」。如果喺Google Map搜索「公民廣場」，亦會顯示呢個地方。
Google Map係好多市民都用嘅應用程式，佢用市民最熟悉嘅地名標示地點，係好正常，唔通標示「政總東翼前地」咩，咁樣反而冇人知講緊邊度。不過，可能中央又會認為係外國勢力支援佔中，因為Google係美國公司嘛。