身在內地的秋生昨獲悉大批反佔中人到入金鐘踩場，他們情緒激動趁亂清場，秋生昨在電話中力斥：「香港好多人都俾人阻住，咁阻住就要推開佢咩？呢個運動特色就係要阻住，佢哋都冇用暴力，點解要暴力清場，反佔中人士做埋警方啲嘢，警方可以收皮。」
秋生支持學生提出退到公民廣場，他說：「呢個係幾好解決方法，明明溝通上出現咗契機，人哋都傾緊，點解唔等多兩日，點解出動暴力同野蠻破壞談判契機，搞亂香港。」秋生鬧爆反佔中人士欺善怕惡，他撐學生：「我唔去得咋，嗰班人死梗，我實還手。經過呢件事，又會畀全世界睇到，有啲人幾咁暴力反對，有啲人幾咁和平反對，兩者好大對比。」
「清得走人民怨憤嗎」
過去幾日曾先後到集會聲援的歐錦棠昨在電話中揶揄：「我睇咗新聞情況，學番范太（范徐麗泰）同官員所講，相信係一些別有用心嘅人，幕後動用勢力、財力同資源去鼓勵反佔中，佢哋戴晒口罩去行動，又唔係醫生，又唔係傳染病，心中有病，袋咁多錢都冇用。嗰啲人用口罩係唔想俾人認出，全部唔見得人。」連日數臭特首梁振英的阿澤，昨日知道反佔中人士到金鐘清場，阿澤忍不住在facebook再留言：「連日你清場，但清得走埋藏人民內心深處的怨憤嗎？」
採訪：陳杰
